Urdu news daily

  قومی کرکٹ ٹیم کے فاسٹ بولر شاہین شاہ آفریدی نے آسٹریلوی اوپنر ڈیوڈ وارنر کی آخری ٹیسٹ سیریز یادگار نہ بنانے دینے کی خواہش کا اظہار کردیا۔ مینوکا میں پریکٹس سیشن کے دوران میڈیا سے گفتگو کرتے ہوئے قومی ٹیم کے فاسٹ بولر شاہین شاہ آفریدی نے کہا کہ ڈیوڈ وارنر کا کرکٹ کیرئیر شاندار ہے، وہ تینوں فارمیٹ کے بہترین کھلاڑی ہیں تاہم ان کے کیرئیر کی آخری ٹیسٹ یادگار نہیں بننے دوں گا۔ انہوں نے کہا کہ قومی ٹیم کے پاس تجربہ زیادہ نہیں لیکن کینبرا میں شیڈول پریکٹس میچ سیریز کی تیاری کے اہم ہوگا، امید ہے کہ آسٹریلیا میں اچھی کارکردگی کا مظاہرہ کریں گے۔ واضح رہے کہ پاکستان فی الحال ورلڈ ٹیسٹ چیمپئن شپ کے پوائنٹس ٹیبل پر سرفہرست ہے یاد رہے کہ پاکستان کرکٹ ٹیم کینبرا میں 6 سے 9 دسمبر تک چار روزہ میچ کھیلے گی۔ پاکستان اور آسٹریلیا کے درمیان ٹیسٹ سیریز کا آغاز 14 دسمبر کو ہوگا، قومی ٹیم کی قیادت شان مسعود کریں گے جنہیں پہلی مرتبہ کپتانی کی ذمے داریاں سونپی گئی ہیں۔

 مسلم لیگ ن کے رہنماء خواجہ آصف نے کہا ہے کہ عمران خان نے اپنی کرسی زرداری کے تراشے ہوئے ہیرے کے حوالے کردی۔ تفصیلات کے مطابق سوشل میڈیا پلیٹ فارم ایکس پر اپنے ایک بیان میں انہوں نے کہا کہ نئے پی ٹی آئی چیئرمین گوہر علی خان کے 2008ء سے 2022ء تک آصف علی زرداری قائد رہے، پھر وہ 2022ء میں پی ٹی آئی میں آئے، عمران خان کو صرف ایک سال میں آصف علی زرداری کا تراشہ ہوا ہیرا اتنا پسند آیا کہ انہوں نے اپنی کرسی ان کے حوالے کردی انہوں نے کہا کہ سربراہ پی ٹی آئی کا نعرہ تھا پارٹی آئین کے مطابق پارٹی چلائیں گے، 2012 انٹرا پارٹی الیکشن نے ایک سال لیا تھا، اس بار تو سب نے تماشہ دیکھا یہ سب جعلی الیکشن ہے، پہلے پارٹی میں شفاف الیکشن کروائے تو جنرل الیکشن کی شفافیت کا سوال کریں، یہ کیسا الیکشن ہے جہاں ووٹر ہے اور نہ کسی کو موقع دیا گیا، لوگوں کی آنکھوں میں دھول جھونکی گئی، اس طرح ڈکٹیشن ہو تو پھر کہاں

 پاکستان پیپلزپارٹی کے چیئرمین بلاول بھٹو زرداری نے کہا ہے کہ میاں صاحب! ووٹ کو عزت دلائیں ووٹ کی بے عزتی نہ کریں، میاں صاحب سے مطالبہ ہے کہ انتظامیہ کی بجائے اپنے منشور پر الیکشن لڑیں۔انہوں نے میڈیا سے گفتگو کرتے ہوئے کہا کہ میرانظریاتی اختلاف ہے ان کی اپنی تاریخ ہے میری اپنی تاریخ ہے، الیکشن کے دور میں اپنے نظریے، آئیڈیالوجی اور منشور پر چلو ں گا، میاں صاحب سے مطالبہ ہے کہ انتظامیہ کی بجائے اپنے نظریے اور منشور پر الیکشن لڑیں، میاں صاحب ووٹ کو عزت دلائیں ووٹ کی بے عزتی نہ کریں۔ انہوں نے کہا کہ جن کو لاہور میں ٹماٹر، انڈے پڑ رہے ہیں ان کو سندھ نہیں پنجاب کی فکر ہے، سندھ کے عوام پیپلزپارٹی کے ساتھ کھڑے ہیں، پہلے بھی نیب کا مقابلہ کیا اب بھی کرنے کو تیار ہیں۔

 بنگلورو(اُردو پوائنٹ اخبارتازہ ترین - آن لائن۔ 02 دسمبر2023ء) بھارت اور آسٹریلیا کی کرکٹ ٹیموں کے درمیان پانچواں اور آخری ٹی 20 میچ اتوار کوبنگلورو میں کھیلا جائے گا ، بھارت کو پانچ میچوں کی سیریز میں 1-3 کی فیصلہ کن برتری حاصل ہے ، بھارتی ٹیم سوریا کمار یادیو کی زیر قیادت میدان میں اترے گی جبکہ آسٹریلیا کو میتھیو ویڈ لیڈ کریں گے